Haaaa? Tja ég veit það ekki...

Komiði sæl...

Það er orðið skelfilega langt síðan ég leit inn á þessa síðu seinast, skelfilegt hvað manni fatast flugið í þessu bloggi. Annars hef ég ósköp lítið að segja eins og venjulega þannig að ég ætla bara að bulla svolítið til að bæta það upp...

Ég var á Kanaríeyjum um páskanna sem er reyndar ekkert bull þó að það sjáist ekki utan á mér þá er það rétt ég er með nokkur vitni sem geta staðfest þetta og einnig nokkrar ljósmyndir. Ég vil nú reyndar meina að ég hafi einungis verið tekinn með til að láta hinu fólkinu líða vel. En ekki með ótrúlega skemmtilegri kímnigáfu minni og seintþreytandi félagskap eins og þið voruð að hugsa heldur svo að hinir gætu virðst brúnni á minn kostnað. Skýringin á þessu brúnkuleysi mínu er einfaldlega sú að ég er af þessum hreina Íslenska ættstofni sem er svo hreinn að honum var ekki ætlað geta falsað útlit sitt. Þetta er hreinn sannleikur...

Jæja það er best að koma sér í skólann Arna verður brjáluð ef ég dríf mig ekki af stað...

Þar til næst

Kveðja Bóndinn

Sælt veri fólkið!

Eins og sést á færslunni hér fyrir neðan eru komnir u.þ.b. 3 mánuðir síðan ég bloggaði síðast og verður það að teljast frekar slöpp frammistaða og óviðunandi með öllu. Ýmislegt hefur gerst síðan ég bloggaði síðast, t.d. hélt ég heilög jól og átti góð áramót ásamt því að taka í notkun mjaltaþjón sem er algjör bylting í þessum efnum og breytir fjósverkum umtalsvert því nú er mjöltum mikið til stýrt í gegnum tölvu, já ég sagði tölvu! Ótrúlegt hvað bændur eru kaldir að nota þetta og treysta á eitthvað tölvuapparat til að sjá um mjaltir og fóðrun og hreinlega lífsafkomu sína. En viti menn, græjan virkar svona líka ótrúlega vel og gerir allt sem væntingar stóðu til að hún gerði og meira til. Þetta er alls kosta eigi síðri kostur en að mjólka sjálfur. En já annars er þetta nú bara búið að vera rólegt eftir áramótin maður er bara mestmegnis búinn að vera fullur og að vinna. Tja afrekaði þó það að fara suður á Skagfirðingakvöld á Players, annars var tilgangurinn aðallega sá að hitta burtfluttna félaga og vini sem skotið hafa niður rótum í höfuðborginni. Það er náttúrulega í sjálfu sér heldur lélegt að þurfa fara alla leið suður til að hitta Skagfirðinga og vera fullur með þeim, maður gæti alveg gert það hér fyrir norðan!

En já jæja ég ætla drífa mig, er að fara á leik Tindastóls og KR í körfuknattleik. Spyrjum að leikslokum í því! Tindastóll með 12 stig og KR 32 stig... Segji ekki meir...

Veriði sæl!

Dimmir dagar og svartnætti eru framundan, ekki bara vegna þess að það er desember heldur vegna þess að áfengið á að hækka umtalsvert út af lækkun á matarskatti. Mér lýst ekkert á þetta, það er talað um 20-30% hækkun á öllu áfengi... Vodkaflaskan góða sem áður var á rétt rúmlega 4000 kallinn fer sennilega upp fyrir 5000 kall flaskan! Bjórkassinn kominn langt út fyrir velsæmismörk og ég sé fram á að gefa alla viskídrykkju upp á bátinn.

Framtíðin = Kardimommudropar, frostlögur, spritti og landabrugg í miklu meira mæli. Best að fara að dusta rykið af gömlu suðutækjunum og verða sér út um tunnu því það eru harðir tímar framundan með tilheyrandi erfileikum...

Hvað gera bændur þá?

Jú þeir brugga!

Hvað finnst ykkur um málið?

Komiði sæl.

Í blogginu í dag hef ég ákveðið vitna í nokkrar staðreyndir úr doktorsritgerð Trefils Jónssonar:  Dr.Plömmer and how i learned to stop worrying and love the Plömmer.

Plömmer er oft sveittur. Samkvæmt reglugerð Umhverfisráðuneytisins, reglugerð 32/b er skýrlega tekið fram að plömmer má aldrei verða rakari en 46% rakastig og verður viðkomandi að taka út refsingu, algengasta refsingin er að vera flengdur með dauðum kjúkling á meðan hlustað er á íslensku dívurnar. Plömmer er einnig mjög loðinn oft á tíðum og er miðað við að menn líti út eins og Ásgeir Kolbeins séu þeir ekki loðnir og ef út í það er farið mjög hommalegir ef ekki bara hreinlega hommar. Nú lengd plömmers afmarkast við aðeins 2 cm plömmer eða þumalsplömmer sem er þannig að ef þú kemur þumlinum á milli rasskinnanna án þess að snerta buxurnar þá ertu með plömmer. Plömmer getur síðan farið alveg upp í 40-50 cm en þá eru menn komnir með plömmer langt upp á bak og alveg niður rassgatinu sjálfu en þegar buxurnar eru komnar neðar en það er það skilgreint sem hægðalosun. Nú á tímum er ekki mikið um slíka plömmera en standandi plömmerar virðast vera að ryðja sér til rúms á ný en allir muna eftir þeim og er skemmst frá því að segja þegar 8 manns sýktust af standandi plömmer á Kópaskeri árið 1987 og loka þurfti saumastofu Sigrúnar í 2 vikur á meðan meðferð stóð. Versta tilfellið er þó sennilega þegar Megas var handtekinn fyrir 3.stigs illa skeindann plömmer á almannafæri en það var Hverfisgötu árið 1983. Í kjölfarið voru sett mengunarlög sem banna beltislausar buxur nema þú hafir vottaðan plömmer frá löggildingarstofu íslands en það er þó alltaf til þessir svarta markaðs plömmerar sem eru utankerfis. Birgir Freyr Gunnarsson formaður hagsmunasamtaka Plömmera segir þetta þreytandi og hann skori á stjórnvöld að leysa vandann sem fyrst því óþægindi vegna þessa séu slík að hann geti varla lýst því. Stjórnvöld hafa hins vegar ekkert aðhafst í málinu og gæti þetta endað með verkfalli en það muna allir eftir stóra plömmer verkfallinu 1994 þegar þjóðin sundraðist í heila 7 mánuði. Sá tími mun þó kannski koma að plömmerar verði viðurkennd atvinnugrein á Íslandi en þetta hefur verið aðalatvinnugrein Færeyinga til margra ára. Kannski er kominn tími til að taka plömmerum opnum örmum og bjóða þá velkomna í íslenskt atvinnulíf. Hver veit?

Sæl verið þið!

Ákvað að fara suður í borg óttans um seinustu helgi, það mætti halda að vinir mínir hafi ákveðið samsæri gegn mér og komið af stað flóttabylgju frá Reykjavík. Það skipti mig svosem engu máli enda var ég bara að siða til þessa anskota þarna syðra, enda skeði ekkert þarna fyrir sunnan, engin frétt í fjölmiðlum um slagsmál eða nauðganir eða eiturlyfjamisferli. Ég ætti kannski að skipta um starfsvettvang og gerast ofurhetja... Þið fáið þá væntanlega að sjá kvikmyndirnar á næstunni, Bóndinn bjargar búinu... Hljómar býsna kynæsandi ekki satt...

Annars er ég búinn að finna fyrsta verkefnið fyrir ofurhetjuna og það er að hreinsa aðeins til í þessum tískuverslunum... Fór nefnilega í Sautján ( það er tískuverslun annars væri þetta bara skrifað með tölustöfum) já og ég ákvað að kaupa mér jakkaföt sem er ekki frásögufærandi nema að eitt fer í taugarnar á mér, af hverju þurfa karlmenn sem vinna í svona tískubúðum að vera svona hommalegir? Af hverju geta þeir ekki bara talað eðlilega eins og annað fólk, klætt sig á mannsæmandi hátt en ekki vera í buxum sem eru 3 númerum of litlar, kvenmannsstígvélum og bleikri skyrtu með aflitað sítt hár...

Skelfilegt, alveg skelfilegt! Hvað með að fara bara með þá einhvert út á land og skjóta þá! Svo ég vitni aðeins í Fóstbræður sem eru menntunnarþáttur af bestu gerð! Ef þú átt í vanda þá eru þeir með svarið, einfalt og gott...

Missið ekki af fyrstu bíómyndinni um ofurbóndann, þar sem hann tekur til hendinni í tískuheiminum og sýnir þessum kynvillingum hvar Davíð keypti ölið...

Veriði sæl...

Jæja komiði sæl! Lítið hefur drifið á daga mína síðan síðast... og hef ég lítið að segja nema ég ætla að koma með góða sögu af Ragga hérna:

Maggi Barðdal: Já Bragi affelgaði feitt í gær!

Ég: Nákvæmlega, beint upp á kantstein, hann keyrði bara á flötu niður á verkstæði!

Raggi: já ég lenti í þessu um daginn maður!

Ég: nei hvað segiru, og hvað gerðiru?

Raggi: fór bara út og sparkaði því á aftur!

Maggi Barðdal: Ha? Sparkaðiru því á aftur?

Ég: uhh, ertu að tala um hjólkoppa?

Raggi: Ha? já...

Ahhhhhh, alltaf jafn góð saga og ein af mörgum um snillinginn hann Ragga... Raggi ef þú kommentar ekki við þetta þá verð ég brjálaður

Annars er ekkert skemmtilegt að frétta, allir í prófum og svona!

Góðar stundir...

Já, það gengur svona til. Lítið er nú að frétta nema að erfið helgi búin og erfiðar 2 vikur framundan, próf, framkvæmdir í sveitinni, það liggur við að maður verði edrú í 3-4 vikur... úff... ég svitna við tilhugsunina... annars er áfengi ekki ofarlega í huga eftir helgina, skelfilega fullur í 3 daga og þynkan skelfileg alla dagana fær mann til að hugsa um að þurrkast upp en það kemur í ljós. Annars greindi fréttastofa NFS frá því í gær að Konráð Þorleifsson hefði lagt viskífleyginn á hilluna ókláraðann og spáði þurrki næstu vikurnar en miðað við sumarið í sumar þá held ég að það eigi eftir að rigna eitthvað inn í milli. Nú ofnotaðasta settning helgarinnar var: They took our jobs! en hún var sögð að meðaltali á 4 mín. og 32 sek. fresti. Þessi setning er úr Southpark fyrir þá sem ekki vita. Ég held að ég og Arnar Freyr eigum ekki eftir að nefna þetta á næstunni... Annars var þetta góð helgi, hvert kvöld hófst heima hjá Konna þar sem ölið var sopið og horft á m.a. Fóstbræður. Á fimmtudaginn fórum við reyndar síðan í partý til Ásu Maríu þar sem við helltum 7 sinnum uppá kaffi, úff þetta var rosalegt. Ég fór heim um kl. hálf 5 en sofnaði ekki fyrr en rúmlega 6... rosalegt alveg ... jæja það er best að hafa þetta ekki lengra í bili maður má nú ekki missa sig í einhverja vitleysu.

Spurning dagsins: Bubbi Morthens eða Björgvin Halldórsson?

Þar til síðar...

Veistu að þetta er bara svona og svo er þetta bara svona...

Annars er nú lítið að frétta nema kannski þetta:

Framhaldssagan sem virðist ætla að breytast í söguna endalausu er enn á vörum manna um allt land en þá er verið að tala um vangavelturnar um hvor sé fleiri bringuhár, Snorri Geir Snorrason eða Haukur Skúlason. Fréttst hefur af því að Haukur sé búinn að skora á Snorra í talningu en það yrði í fyrsta skipti sem slík talning færi fram frá árinu 1983 þegar þeir Guðbrandur Ægir Ásbjörnsson og Bjarni Har öttu kappi sem endaði með sigri Guðbrands Ægis. Það er sennilega mörgum í fersku minni hvernig fór síðast þegar átti að halda talningu en þá þurfti að fresta henni vegna þess að talið var að Haukur hefði fallið á lyfjaprófi en seinna kom í ljós að um vaselín eitrun var að ræða.

Einnig hefur heyrst frá Skagfirskum kvikmyndamönnum af hugsanlegri endurgerð Godfathermyndanna  á íslensku eða Guðföðurinn. Langt er komið með að velja í hlutverkin en talið er að Jóhannes Björn Þorleifsson hreppi hnossið sem guðfaðirinn sjálfur. Rúnar Þór Númason frá Reykjarhóli mun fara með hlutverk ráðgjafans Tom Hagen, Friðrik Pálmason og Guðmundur Hermannsson fara með hlutverk Sonny og Michael Corleone svo helstu menn sé nefndir. Talið er að myndin verði komin út í júní 2007.

Fréttir næst á sunnudaginn...

Ahh, jæja, huhhumm, já gott og vel... tja það er löng helgi framundan, úff hvað maður er búinn að bíða eftir þessari lengi... og ekki skemmir fyrir að það sé frí á föstudaginn... Snilld... En já í fréttum er þetta helst:

• Talið var fyrr í vikunni að Osama Bin Laden væri látinn, fullyrðingarnar vora síðan dregnar til baka eftir að talið var að hann hefði sést á ferð í Sæmundarhlíð í Skagafirði, en þegar nánar var skoðað var þetta Sveinn brúni dauður upp við girðingastaur...
•  Lögreglan á Sauðárkróki segir að þetta sé ekki í fyrsta skiptið sem Sveinn brúni sé tekinn í misgripum fyrir aðra en frægt er orðið þegar Egyptar töldu sig hafa fundið grafhýsi Ademar hins mikla faraós, sem síðar kom í ljós að þetta var Sveinn brúni áfengisdauður í innkaupakerru...
• Mikill viðbúnaður er viðhafður á Sauðárkróki um helgina eftir að það fréttist af hugsanlegri þáttöku Ragnars Freys Guðmundssonar í árlega alþjóðlega mótinu í kindaþvætti, en eins og flestir vita er Ragnar Freyr tvöfaldur evrópumeistari í greininni og setti nýtt heimsmet í febrúar seinastliðnum á opna Óslóarmótinu þegar hann þvoði kindina á aðeins 14 mínútum og 23 sek. Talið er að hundruðir manna muni leggja leið sína í Skagafjörð um helgina vegna þess og þá sérstaklega til að fylgjast með einvígi hans við fyrrverandi ólympíumeistarann, Jón Dalmann, en sá kappi var þrefaldur heimsmeistari á sínum tíma...
• Nú síðasta helgi fór vel fram og að sögn lögreglunnar þurfti hún aðeins að hafa afskipti af einum einstaklingi. Sá reyndist vera með standandi plömmer á Aðalgötunni og þegar lögregla hafði mælt hann kom í ljós að hann var 6,3 sentimetrum yfir leyfilegum hámarksplömmer og neyddist lögreglan til að færa manninn í fangageymslur þar til hann hafði hysjað upp um sig. Þetta er ekki í fyrsta skiptið sem afskipti eru höfð af þessum manni því svipað mál kom upp á norðlensku harmonikkuhátíðinni 1996 þegar sami maður reyndist vera með alltof sveittann plömmer og eftir mælingu kom í ljós að plömmerinn var með 75% rakastig sem er að sögn sérfræðinga, aðeins 6% frá því að viðkomandi yrði sviptur réttindum. Boðið var upp á áfallhjálp og nýttu sér um það bil 50 manns hana.

Fréttir verða næst sagðar kl 2 á samtengdum rásum.

Djöfull maður... Það eru allir á leiðinni suður um helgina... það sem ég hef alltaf haldið að Reykjavík sé ömurleg hélt ég að straumurinn ætti að liggja í hina áttina og menn gætu ekki beðið eftir því að komast norður... en svona er þetta, það eru brekkur í þessu... Bölvuð er sú staðreynd að ég missi af innflutningspartý hjá Ragnari... Ástæðan er tölvunámskeið í teikniforritinu Autocad... námskeiðið er ókeypis og mjög verðmæt kunnátta þannig að ég græði sennilega bara á því að vera slakur um helgina... Laufskálarétt um næstu helgi og svona... Þá verður tekið á því laxmaður, kláraðar svona tvær viskí flöskur eða svo... En eins og allir vita þá er skylda að drekka sterkt áfengi í réttum... Djöfull langar mig að taka gott fillerí um helgina maður en slakur slakur... Djöfull er Dr.Phil að drulla yfir kananna í sjónvarpinu maður... Þeir eiga það skilið þeir eru svo heimskir... Það eina góða í sjónvarpinu um helgina eru Fóstbræður. Sú hugsun að þeir séu sýndir á ný hlýjar manni um hjartaræturnar og maður hugsar að það sé nú kannski tilgangur með þessu jarðlífi...

Spurning dagsins: Hvaða kvikmynd vann óskarsverðlaun sem besta myndin árið 1986???

Tja bras í mixinu... Það er búið að vera nóg að gera hjá manni síðastliðinn mánuð eða svo en hér er það helsta sem ég hef afrekað:

• Fór á menningarnótt... fullur... gaman...
• Er búinn að vera að vinna heima við að breyta fjósinu... þunnur...
• Þarf aldrei að mjólka aftur þegar það er búið... fullur...
• Fór á busaball, var með eldri mönnum á svæðinu... ekki gaman... fullur...
• Við Þorbergur og Jóki tókum "nett" LandRover fillerí fyrr um daginn... fullur...
• Versluðum mikið af víni og duttum meira í það... meira fullur...
• Vann síðan meira í fjósinu, alltaf með Þorbergi... gott mál... aðallega þunnur...
• Átti síðan afmæli 8. sept. gott mál... var reyndar bláblá edrú...
• Velti því fyrir mér hve langt var síðan ég tók edrúhelgi... en fékk hausverk...
• Tók 200kg í bekk... fullur...
• Kom á friði í Írak... að þynnast upp...
• Bjargaði lífi ungs drengs í miðbæ sauðkróks ásamt Konna... fullur...
• Er eiginlega bara í tímum hjá Gísla Árna... fullur...
• Fékk vinnu sem stuntdouble fyrir Mörð Árnason...
• Er með sár á milli tánna þannig að það er vont að labba...
• En ég er karlmaður og kvarta ekki undan smámunum...
• Lamdi Chuck Norris...
• Er það ég eða er mikið af busum í skólanum?
• Of mikið?
• Er ég með of stóra upphandleggsvöðva?
• Er Helgi Hannesar í nýrri peysu?
• Maður spyr sig...

Ég ætla að enda þetta á nýjum lið...Spurning dagsins...

Spurning dagsins: Hvaða ár dó Jón Páll Sigmarsson???

Stundin líður, starfið bíður, gæti hver sín, og guð vor allra.

Jæja, margt býr í þokunni, enda er það það eina sem er til nú orðið, ég held reyndar að það séu bara til 2 afbrigði af veðri, rigning og þoka, jújú stundum er alveg heiðskýrt á morgnanna en svo er farið að rigna um kaffileitið eða komin þoka um hádegið... ég er farinn að hallast að því að sólin hafi dottið í það og sé nú á Vogi til frekari þurrkunar, skelfilegt alveg...

En það hefur lítið gerst hjá mér undanfarið, bara same old same old, allir dagar eins... stundum langar mann bara til að setjast upp í bíl keyra suður og taka næstu vél til Kaupmannahafnar bara svona upp úr þurru... bara svona til að breyta til... en þetta er allt að koma, skólinn er að byrja, og haustið að koma með öllum sínum fylgifiskum, réttir, réttarböll, busavikan, afmælið mitt og bara allsherjar fillerí út í gegn þannig að þetta er allt í áttina...

Spurning... úr hvaða lagi er þessi setning? Kílóið af súpukjöti hækkaði í dag.

Jæja, versló búin og daglega amstrið tekur við, svona rétt fram að næstu helgi, þá drekkur maður sig smám saman niður, en ekki lengi því það er að styttast í skólann, busavika, uppskeruhátíð, réttarböll, afmælið mitt, já og menningarnótt... nóg að gera, og ekki minnkar drykkjan, úff það liggur við að manni kvíði fyrir þessu...

En já, fór á Akureyri um versló, komst að því að Cafe Amor er hommabar, ekki þó bara útaf nýsjálendingnum sem var að reyna að fá Konna til að sænga með sér, heldur er það vegna þess að Steini bachelor var dyravörður, nei anskotinn þá var mér alveg misboðið og rauk út... Sagan segir að Konna sé illt í rassinum og Biggi hafi verið með eina fertuga í takinu, en þetta eru aðeins sögusagnir sem ég frétti við mjólkurpökkunarvélina í mjólkursamlaginu... Á laugardeginum endaði ég í Sjallanum, ágætt bara fyrir utan hálftíma röð í troðningi sem minnti á réttir í staðarrétt þegar ég var 5 ára og tróðst undir...

Ég missti mig svo á tjaldsvæðinu og fór að kynna mig sem Jón Bjarnason alþingismann, svo fór Alli að kynna sig strax á eftir líka sem Jón Bjarna, ótrúlegt, hversu freðinn eða vitlaus þarf maður að vera til að halda að þetta hafi bara verið ótrúleg tilviljun, ha heitiði báðir Jón Bjarnason í alvöru? Skelfilegt hvað fólk getur verið heimskt, eða freðið, en það er eiginlega það sama... Ég fór síðan heim á sunnudeginum, vinna á mjólkurbílnum á mánudeginum, skelfilegt alveg, en samt ágætt, missti reyndar af miðpunkti verlsunarmannahelgarinnar, balli í Árgarði á Steinsstöðum í Lýdó, mesta snilld sem til er fyrir utan bjór... reyndar ef ég hefði lagt 2 tímum fyrr af stað á mjólkurbílnum þá hefði ég sennilega náð restinni af ballinu, en stundum er betur heima setið en af stað farið...

Jæja best að fá sér einn öl...

Hæhæ

Það er alveg sorglegt hvað amerísk lágmenning hefur tröllriðið íslensku þjóðinni, fólk trúir ekki lengur á ljóð, stökur og húslestur...

Öngva virðing ber í garð,

sálma, mennta og lista.

En sáðfall mér í svefni varð,

á sumardaginn fyrsta.

Ekki man ég hvar ég heyrði þessa en næstu vísu kenndi Jónas í samlaginu mér og er hún um dani sem er kannski viðeigandi miðað við vesenið á þessum dönum alltaf hreint...

Það fór þá síðan á þá leið,

niður í baunalandi.

Mellan neitaði mér um reið,

manninum sárþurfandi.

Skelfilegir þessir danir...

Annars er ég búinn að kaupa nýjan bíl, tja nýjan gamlan, Subaru impreza árgerð 1999 ekinn 37000, þetta er enginn toyota touring, en þetta tussast... Er mjög sáttur við hann... annars verður kveðjupartý fyrir touringinn haldið einhvern tíma á næstunni, það er ekki annað hægt miðað við þjónustuna sem hann er búinn að veita mér í gegnum tíðina... Magnaður...

Orð dagsins: Þessi maður labbar ekki í burtu meðan við erum að tala saman...

Kallinn: Skúli í samlaginu, fyrir að koma með svo margar minnisstæðar setningar sem hægt er að hafa eftir honum endalaust...

Þú ættir að fá þér gúmmíhanska og r***a  kallinum...

Bless...

Hér koma nokkrar ástæður fyrir bloggleysi:

1. Var í Stokkhólmi í 2 mánuði vegna brjóstastækkunnar.
2. Var fullur með Sveini Brúna á vertíð á Fáskrúðsfirði.
3. Var með bólu á nefinu.
4. Var fullur með Sveini Brúna í girðingavinnu á Dúki.
5. Var fullur út á Tenerife (ekki með Sveini Brúna að vísu).
6. Var fenginn sem gestastjórnandi í innlit/útlit.
7. Tók 200 í bekk.
8. Klauf atóm.
9. Fór í hestaferð með mjólkursamlaginu, man lítið eftir henni.
10. Drap Eyfa og eyddi öllum upptökum af laginu Nína.
11. Lagði fram lagafrumvarp gegn ofnotkun rakspíra, hef hlotið varanlegan skaða af honum í samlaginu.
12. Sigraði í Vestfjarðavíkingnum.

Þetta ætti að útskýra málið aðeins og ætti fólk að skilja hvað ég hef haft brjálað að gera.

En að öðru ég fór á landsmót um helgina, ekkert nema gott um það að segja nema að fólk þarf að læra að gera ekki þarfir sínar á almannafæri, maður var labbandi í góðum fíling á svæðinu þegar maður er allt í einu í stór hættu á að verða fyrir hlandbunu úr hörðustu átt. Bara einhver sem er labbandi og hugsar ahh best að pissa aðeins og lætur bara vaða þar sem hann stendur. Einnig var systir mín vitni að miðaldra kvenmanni sem stóð í ströngu við að "setja´nn" á milli bíla á bílastæðinu og bara til að hafa það á hreinu þá er það númer 2. Þó svo að þetta sé hestamanna hátíð og sé verið að gera hestum hátt undir höfði og hugsað til þeirra þá þarf það ekki að vera svo rosalegt að ekki sé hægt að nota klósett eða kamar eins og flestir nútímamenn gera (nema mannarinn), just throwing it out there...

Þetta var ótrúlega góð helgi og skemmtum við Arna okkur mjög vel fyrir utan sunnudaginn þegar við fréttum af banaslysinu. Merkilegt maður fer strax að hugsa hvort maður hafi þekkt viðkomandi fólk. Seinna kom það í ljós að maður kannaðist býsna vel við fólkið og er skyldur því. Hörmulegt slys og votta ég öllum nákomnum samúð mína.

Það er víst rétt, beltin bjarga...

Góðar stundir...